لو سألت الميلاد شو رح يقول!
قَرِب العيد, وصار الكل بالمشتريات مشغول
زينة للشجرة ,أواعي للأولاد غير الكعك والمعمول
ع الخصر نلف المريول, ونبلش بتحضير المحاشي وغلي الفول
وقبل ما تتجمع العيله, شويه وكل شي ع الطاوله صار مأكول
صلاه,ما فضينا وما صلينا,أصلو الزلمه بعد هالكاس قلب مسطول
ولما الصبح جرس الكنيسة يرن,الكل نايم وعامل حالو مشلول
كيف بدك يجي الميلاد, وبعدو باب المغارة عند الناس مقفول
كيف ترضى تعيد الميلاد, وانت مخاصم أخوك على طول
كيف تخلي الميلاد يمرق, وغيرك قدامك بالفقر مذلول
ما تقول,انو برد السني وهموم الدني,خلت الميلاد بعيد وحتى مجهول
ان صار للمحبة بين الإخوه في الميلاد, معنى ومدلول
ساعتها,يصح نقول ان ميلاد يسوع في القلب أصبح مقبول.
ملاحظه:الشعر المكتوب (بكل تواضع),يعبر عن جو عيد ميلاد الذي كان يعم بيتنا,وربماما زال يعم بيوت كثيره لم يعرفوا أو يدركوا بعد معنى الميلاد الحقيقي .
موضوع: شعر ميلادي باللغه العاميه 