ياقلب ويـن اللـي تعـزه وتغليـه
ومن دون كل النـاس دايـم تـوده
يامانهيتـك عنـه و تقولـي ابيـه
لاقلـت هـده قلـت مااقـدر اهـده
اليوم بـان اللـي يكنـه ويخفيـه
شوف الحقيقه بان مزحـه وجـده
اللي خدعك ارجوك مابيـك تطريـه
نصـاب والنصـاب لازم تـصـده
ياقلب مانـي لعبتـن بيـن اياديـه
اشطب عليه وكـل الابـواب سـده
من باعنـا ياقلـب ماعـاد نبغيـه
لوكـان مفتـاح السعـاده بـيـده
في هالزمن مافيه واحـد تصافيـه
ماعـاد باقـي حـب ولا مــوده
عذبتنـي ياقلـب ماتفتهـم لـيـه
كل شخص يضحك معك صاحب تعده
تـراك مزعجنـي بطيبتـك ياهيـه
واتعبت رجلي معـك روحـه ورده
اسمـع كلامـي ولاتزيدالمشاريـه
وتبـدا تناقـز بيـن مـده ومـده
اذا لقيـت انسـان تقدر تثـق فيـه
انـا اطلبـك واقـول لـك لاتهـده
موضوع: ياقلب ويـن اللـي تعـزه وتغليـه