جرب دروب الهوى

قلهــا وأخلص ... لا تراعــي لي شعــور ...!!

.....أدري إنـك عـن غــــــرامـي مـــادريت


صــار لك ســـاعـــة تلــف بهـا وتـدور

.....مــافــهمت إلا عســــى وودك وليت...!


قـل مــاحبك وأنتهت كــل الأمـــــور...!

.....اخــــذت كـــل اللــي تبـي مني وقضيت


ماعليك ... أنا علــى الفــــرقـى صبور

.....بانــي للـي فـي صحــاري الصبر بيت


وقــد فــركت من القهــر عشـرين زور

.....وبعت في سوق الهوى هم ... وشريت


لاتكــــدرخاطــــرك ... رح ومعــــذور

.....غـلطتــي وأتحمـــــــل أنا اللـــي بديت


وأنت لــوقصــرّت ... مـامنك قصــــور

.....الخطـــاء منــي ... ولـــوني مــاخطيت


مــــر فــي سيرة هــــــوانا لومــــرور

.....واذكـــــر انك قـد شكيت ... وقـد بكيت


وإكتب بـدفترك عنــي سطـــــــــور

.....اكتب إنــي عقـب زولك مـاهــــــــويت


وإن اخــــذك ملحـك إلـى حــد الغـــرور

.....جاني أملــــح منك ... لكـن مابغيت...!


هــي مقــــادير ... وخــــذتنا للــــدبـوّر

.....مـاسعيت لهــا أنت ... وأنـا مــاسعيت


وإن بغيت الشــور عندي صــدق شور

.....جرب دروب الهوى ... و رد إن غديت


وأنا ببقــــى فـي مكــاني ضـــوح نـور

.....وأحتــريـك بهـــالمكــــــان إلا أنتـهيت